Monthly Archives: September 2013

Manasu Mroginadi

పల్లవి. మనసు మ్రోగినది మాధుర్య వీణయై,
కను ముందు హరి రూపు కమ్మగ తలచి . ||మనసు||

అనుపల్లవి. అణువణువు పులకించి అమృతంబైనది,
మనసు మురళీ ధరుడు మాధవుని తలచి. ||మనసు||

1. వేణువై మనసు గానము చేసినది,
కన్నయ్య రూపము కల్పనలో తలచి,
వెన్నయై కరిగినది వయ్యారి హృదయము,
వెన్న దొంగను మదిన విరివిగ తలచి. ||మనసు||

2. బృందావన మధుర తీరముగ మారినది,
నంద నందనుని ఎద నిండ తలచి,
సుందరమై, చందమై సొంపుగ మారినది,
చందన చర్చితుని వూహల తలచి. ||మనసు||

3. విరిలాగ విరిసినది వలపుతో హృదయము,
సిరి నాధు రూపము సొగసుగ తలచి,
మర్మము ఎఱుగని ముత్యమై మెరసినది,
తిరు వేంకటేశుని తియ్యగ తలచి. ||మనసు||

రమాకాంతరావు చాకలకొండ 26 సెప్టెంబర్ 2013

Download (PDF, 34KB)

Tirumala Dasuni Toli Vandanamu

విఘ్నద్వా న్త నివారణైక తరణి, ర్విఘ్నాటవీ హవ్యవాట్,
విఘ్నవ్యాళకుల ప్రమత్తగరుడో, విఘ్నేశ పంచాననహ
విఘ్నోత్తుజ్ఞగిరి ప్రబేదనకరీ, విఘ్నాబ్ది కుమ్బోద్బవహ
విఘ్న ఘౌ ఘఘన ప్రచండ పవనో, విఘ్నేస్వ రహ పాతునః

పల్లవి. తిరుమల దాసుని తొలి వందనం,
గిరిజ తనయుడు గణపతికే. ||తిరుమల||

అనుపల్లవి. వేంకట సుతుని మలి వందనము,
సంకట హారి శ్రీ గణపతికే. ||తిరుమల||

1. ప్రఙ్ఞావంతుల ప్రధమ వందనము,
విఘ్ననాశకుడు వినాయకునికే,
సుఙ్ఞాన సత్పురుష వందనము,
విఙ్ఞాన విద్య కర గణపతికే. ||తిరుమల||

2. నాద బ్రహ్మల ఆది వందనము,
మోదక హస్తుడు మహాగణపతికే,
విద్యా గణముల విమల వందనము,
వేద వేద్యుడు వర గణపతికే. ||తిరుమల||

3. తుంబుర, నారదు తొలి వందనము,
అంబిక తనయుడు లంబోదరునికే,
కుంభిని జనుల శిరో వందనము, (కుంభిని = భూమి)
అంబుజ నయనుడు ఆది గణపతికే. ||తిరుమల||

రమాకాంతరావు చాకలకొండ శనివారం, 07 సెప్టెంబర్ 2013

Download (PDF, 127KB)