Monthly Archives: April 2013

The life’s cycle

Good morning. It is always hard work that pays. In family hierarchy, some body works hard, earns for generations, if some body lazy in the family, they swindle that, again their heirs have to work hard for bread and butter and fix it. In that process they have to sacrifice their life for their children, again with hard work people stabilize, and the cycle again repeats. That is what life is!

పల్లవి.
తాత, తండ్రులు యిచ్చే తఱగని ఆస్ధి!
హిత మైన హరి నామ నవరత్న కోశము. ||కవి||

అనుపల్లవి.
ఎవ్వరికో అబ్బని అద్భుత శక్తి,
కవిత చేసెడి కోట్ల కరగని ఆస్థి. ||కవి||

1.
కోట్లాది ఆస్థులు కొల్ల గొట్టిర మాది,
నాడు దాయాదులు, దాస, బంధువులు,
పాడు అలవాట్లతో యిల్లు గుల్ల జేసె,
పడుచు తాత గారు పటు వంశ నిధులు. ||కవి||

2.
పంట పొలములను బీడు జేసె తాత,
ఇంట, బయట పనులు పట్టించు కొనక,
కొంటె తాత గారి భోగపు మేళములు ,
కంటి ముందే కార్చె కొండంటి నిధులు. ||కవి||

3.
కటిక దారిద్య క్లేశ వలయము చీల్చి,
పట్టుదలతో తండ్రి పెరిగి పైకొచ్చే,
మేటి విద్యలు గరుప బ్రతుకే త్యాగము జేసే,
సాటి లేని ఘనులు చెంచు రామయ్యలు. ||కవి||

4.
దారిద్య, అవమాన, ఈతి బాధల కడలి,
నేరులై యీదిరి, మా తల్లి, దండ్రులు,
తీరుగ వారు మా బ్రతుకులు దిద్ది,
కార్య సాధన లోనే కన్నులు మూసిరి. ||కవి||

5.
వారు జూపిని దారి వదలక కదిలి,
చేరితిము నేడు బ్రతుకు గమ్యముకు,
దరి నుండి మమ్ము నడిపించు దేముడు,
తిరు వేంకటేశ్వరుని శరణు జొచ్చితిమి. ||కవి||

రమాకాంతరావు చాకలకొండ గురువారం, 18 ఏప్రిల్ 2013

Happy Vijya Ugadi

పల్లవి.
చిరు లత పల్లవ సోయగ చందముతో,
తరలి వచ్చెను మరల తెలుగు ఉగాది. ||చిరు||

అనుపల్లవి.
మరు మాస నవ వధువై, మధుర గంధముతో,
మరల వచ్చెను మనకై విజయ ఉగాది. ||చిరు||

1.
చైత్ర శుద్ధ శుభ పాడ్యమి ఘడియలో,
అతి దివ్య ఆనంద జ్యోతులు వెలిగించ,
ప్రతి ఎదన సంతోష, సౌఖ్యములు పండించ,
కదలి వచ్చెను తెలుగు విజయ ఉగాది. ||చిరు||

2.
యిమ్ముగ వనములలో తరు, శాఖ, లతలపై,
కమ్మని రంగులతో కొమ్మ కొమ్మన విరిసి,
సొమ్ముగ సిగ్గుల పల్లవ పైటతో,
కోమలి లక్ష్మిలా వచ్చె ఉగాది. ||చిరు||

3.
హిమ శైలము పైన ముక్కంటి సతి జడలో,
ఘుమ ఘుమ చల్లను, మరుమల్లె కుసుమమై,
కమల కంఠము లోన కుసుమ మాలికయై,
అమల రూపము నొచ్చె విజయ ఉగాది. . ||చిరు||

4.
విజయ ధుంధుభులతో విశ్వ జను లెల్లరు,
నిజ వైభవానంద డోలికల ఊగగ,
అజులు అమర వీధి నాశీర్వదింపగ,,
విజయ పతాకముతో వచ్చె ఉగాది. ||చిరు||

5.
పుల్ల మామిడి చెరకు, బెల్లము తోటి,
తెల్ల వేప పూత, చింత, నిమ్మ వేసి,
కలిపి లవణముతో, కమ్మగ అందించ,
కలికి క్రొత్త వధువై వచ్చె ఉగాది. ||చిరు||

6.
కవి, గాయక, నృత్య, శిల్పి, వైతాళికులు,
భావములు పొంగగ, భాష రంగరించి,
నవ కవిత గానముకు, నటనలు కలుప,
హావ భావములతో వచ్చి ఉగాది.. ||చిరు||

7.
సాటి లేని మేటి దైవ శిఖామణి ,
ఏడు కొండల స్వామి వేంకటేశ్వరుడు,
పాటవము చూపి ప్రార్ధనలు వినుచూ,
దీటుగ దీవించ వచ్చె ఉగాది. ||చిరు||

రమాకాంతరావు చాకలకొండ

అజులు = బ్రహ్మ, విష్ణు, మహేశ్వరులు

ChirulathaPallava